Það er víst ekki nóg að skrifa um hvernig hlutirnir eiga að vera. Iðnaðarmennirnir sem eru fengnir í verkið, fá það ekki í kjölfar útboðs á öllu evrópuska efnahagssvæðinu, nei, svo sannarlega ekki. Annar þeirra er barnabarn Húr sem kemur fyrir í 24. kaflanum. En það er ekki hægt að halda því að mönnum að ráða ættingja og vini, slíkt væri ekki faglegt.
Þegar svo YHWH hefur útskýrt tilurð hvíldardagsins og notað „sjö kafla“ til að útlista helgihaldsumhverfi og mikilvægi þess að prestar hafi það gott, afhendir YHWH Móse steintöflurnar með boðorðunum. Þetta er svo sannarlega önnur frásögn en sú sem var í 20. kaflanum.